Tuun leh Zua Hong Itna

Verse 1:
Simlei mim bang ka pian pan, kidang ngeilo nong khualna,
Mong neilo nong itna lian lua sang e,
Na angsung hambang nong huai, itna nunkhum tawh nong vak,
Lailungah gilh ni cih om theilo hi.

Chrous:
Tuun leh zua aw nong itna bang tawh tehthei ding ka hiam,
Gualtawh tanbang kim na ding zaaitha siitlo in hong zonsak,
Sian sinthu tawh hong pattah vabang pil ding hong deihsak,
Nong itna zaaila awi-cimthei keng e.

Verse 2:
Sun nisa thulguah nuai-ah von nih thumte nong khual man,
Gim in tawl khua-ul luang zaaitha san maw,
Von in lungah gilh thei keng maimit laukha luai den cia,
Nong itna lai-in gelh zawh ding hi kei.

Verse 3:
Kum sawt gamgua bang hing ding Sian in siam hen tuun leh zua,
Heina peuh zotang bang dam ciat ve ni,
Na sawn leh von thumte tawh pheiphung ma suankhawm dingin,
Sian in siam hen saulim-ah dawn bang tuah ding.